मुंबई : उद्योगपती मुकेश अंबानींच्या बंगल्याजवळ जिलेटिनच्या स्फोटकांनी भरलेली स्कॉर्पिओ गाडी २५ फेब्रुवारीला सापडली होती. २४ फेब्रुवारीच्या मध्यरात्री १ वाजता अंबानी यांच्या घराजवळ ही कार ठेवण्यात आली होती. तर दुसऱ्या दिवशी गुरुवारी ही कार पोलिसांच्या निदर्शास आली होती. ही घटना उघडकीस येताच या घटनेचा तपास क्राईम ब्रांचच्या सीआययु युनिट कडे देण्यात आला होता.
मुकेश अंबानी यांच्या घराबाहेर सापडलेल्या स्फोटकानंतर आता नवी धक्कादायक माहिती समोर आली आहे. कारण जी स्कॉर्पिओ अंबानींच्या घराबाहेर सापडली होती, त्या गाडीमालकाचा मृतदेह सापडला आहे. मनसुख हिरेन यांचा मृतदेह मुंब्रा रेतीबंदर भागात सापडला आहे.
या सर्व प्रकरणावर ठाणे पोलीस उपायुक्तांनी मोठी माहिती दिलेली आहे. मनसुख हिरेन यांनी कळवा खाडीत उडी मारून आपले जीवन संपवले आहे. अपघाती मृत्यू असा अहवाल (एडीआर) नोंदविला गेला आहे असे त्यांनी सांगितले आहे.
परंतु, ‘मनसुख हिरेन हे आत्महत्या करणाऱ्यांपैकी नाहीत. मी त्यांना जवळून ओळखतो. त्यांना कुठलाही तणाव नव्हता. ते चांगले स्विमर होते ते पाण्यात आत्महत्या करू शकत नाहीत,’ असा दावा मनसुख हिरेन यांच्या निकटवर्तीयांनी केला.
मनसुख हिरेन यांनी आत्महत्या केल्याचा दावा त्यांच्या निकटवर्तीयांनी फेटाळला आहे. इतकंच नाही तर घातपाताचा संशय व्यक्त केला आहे. निकटवर्तीयांनी दिलेल्या माहितीनुसार “यामागे नक्कीच घातपात आहे. त्यांची हत्या झाली असावी हा आमचा आरोप आहे. त्यांचा मुलगा आणि माझा मुलगा एकाच वर्गात शिकतात, जवळच्या सोसायटीत राहत असल्याने वारंवार भेट व्हायची. अंबानी स्फोटके प्रकरणात गाडी वापरल्यामुळे त्यांची मी विचारपूस केली होती. तर त्यांच्या बोलण्यावरून किंवा सांगण्यावरून ते दबावात नव्हते हे स्पष्ट होतं. आरोप प्रत्यारोपाच्या राजकारणात एक निष्पाप बळी गेलाय” असे मत त्यांच्या निकटवर्तीयांनी एका वृत्तवाहिनीशी बोलताना व्यक्त केले आहे.
महत्त्वाच्या बातम्या
- धीरज देशमुखजी, मतदारसंघातील प्रश्न सोडवलात, राज्यातील इतर ग्रामपंचायतींचे काय?
- आश्रमशाळा कर्मचाऱ्यांचे आंदोलन सुरूच; उपोषणाचा तिसरा दिवस कर्मचारी आपल्या मागण्यांवर ठाम
- लवकरच ग्रामीण भागातही सुसाट धावणार स्मार्ट सिटी बस
- सर्दी खोकल्याची औषधे विकू नका ; FDA च्या सूचना
- कोविड उपचार केंद्रात दाखल महिलांच्या विनयभंगाचे प्रकार निषेधार्ह – रामदास आठवले
