टीम महारष्ट्र देशा : येत्या विधानसभा निवडणुकीच्या दृष्टीने राज्यातील राजकीय पक्षांनी जोरदार मोर्चेबांधणी सुरु केली आहे. तर राष्ट्रवादी कॉंग्रेस पक्षाने भाजप सरकारला धुळीत मिळविण्याचा चंग बांधला आहे. या पार्श्वभूमीवर आज राष्ट्रवादी कॉंग्रेसचे प्रदेशाध्यक्ष जयंत पाटील यांनी राष्ट्रवादी कॉंग्रेसचे अध्यक्ष शरद पवार यांची भेट घेतली आहे.
या भेटीमध्ये जयंत पाटील आणि शरद पवार यांनी आगामी विधानसभा निवडणुकांच्या अनुषंगाने प्रचार व समविचारी पक्षांशी निगडित रणनीतीबाबत चर्चा केली आहे. याबाबतची माहिती राष्ट्रवादी कॉंग्रेसच्या अधिकृत ट्विटर अकाऊंटवरून देण्यात आली आहे.
प्रदेशाध्यक्ष आ. @Jayant_R_Patil यांनी आज राष्ट्रवादी काँग्रेस पार्टीचे राष्ट्रीय अध्यक्ष खा. @PawarSpeaks साहेब यांची त्यांच्या मुंबईतील निवासस्थानी भेट घेऊन आगामी विधानसभा निवडणुकांच्या अनुषंगाने प्रचार व समविचारी पक्षांशी निगडित रणनीतीबाबत चर्चा केली. pic.twitter.com/gc8UND8yQD
— Nationalist Congress Party – Sharadchandra Pawar (@NCPspeaks) July 13, 2019
दरम्यान या लोकसभा निवडणुकीत भाजप युतीने राज्यात घवघवीत यश संपादन केले आहे. हे भाजप युतीचे यश पाहून कॉंग्रेस आघाडीला धडकी भरली आहे. त्यामुळे येत्या विधानसभा निवडणुकीत राष्ट्रवादी कॉंग्रेस पक्ष आणि कॉंग्रेस पक्ष आघाडी करून भाजप युतीला शह देण्याचा चंग बांधत आहेत. तर दुसरीकडे कॉंग्रेस-राष्ट्रवादी पक्षातील अनेक नेते सत्ताधारी भाजप-सेनेमध्ये प्रवेश करत आहेत. तर अनेक नेते भाजप-सेनेमध्ये जाण्यासाठी गिरीश महाजन आणि राधाकृष्ण विखे पाटील यांच्याशी संपर्क साधत आहेत.
बातम्यांसाठी YouTube चॅनेल Subscribe करा
Subscribe Now
