टीम महाराष्ट्र देशा : आंध्रप्रदेश मुख्यमंत्री जगन मोहन रेड्डी यांनी माजी मुख्यमंत्री चंद्रबाबू नायडू रहात असलेली प्रजा वेदिका ही इमारत पडण्याचे आदेश दिले होते. त्या आदेशांचे पालन करत ही इमारत आता जमीनदोस्त करण्यात आली आहे. मंगळवारी मध्यरात्रीच्या सुमारास ही कारवाई करण्यात आली.
माजी मुख्यमंत्री चंद्रबाबू नायडू हे अमरावतीमधील प्रजा वेदिका या इमारतीत राहात होते. टीडीपी सरकारने प्रजा वेदिका इमारतीची निर्मिती आंध्रप्रदेश राजधानी क्षेत्र विकास प्राधिकरणच्या माध्यमातून तत्कालीन मुख्यमंत्र्यांचे निवासस्थान म्हणून करण्यात आले होती. परंतु ही इमारत नियमांचे उल्लंघन करून बांधण्यात आली होती, त्यामुळे या इमारतीला अवैध घोषित करत कारवाई करण्यात आली आहे.
#WATCH: Demolition of 'Praja Vedike' building underway in Amaravati. The building was constructed by the previous government led by N. Chandrababu Naidu. #AndhraPradesh pic.twitter.com/qRCWjfVTJZ
— ANI (@ANI) June 25, 2019
याविषयी माहिती देताना जगनमोहन रेड्डी म्हणाले, ‘प्रजा वेदिका ही इमारत तत्कालीन मुख्यमंत्र्यांनी नियमांचे उल्लंघन करुन बांधली होती. त्यामुळे या अवैध इमारतीविरोधात कारवाई करुन अवैध बांधकामांविरोधातील अभियान राबवले जाईल अस विधान केले.
दरम्यान, काही दिवसांपूर्वी चंद्राबाबू नायडू यांनी ही इमारत विरोधीपक्ष नेत्याला द्यावी ही विनंती केली होती. मात्र सरकारने त्यांची विनंती फेटाळून लावली होती.
