मुंबई : एकदिवसीय मालिकेतील विजयानंतर भारताने पहिल्या टी-२० सामन्यात श्रीलंकेचा ३८ धावांनी पराभव केला आहे. भारताने दिलेल्या १६५ धावांच्या लक्ष्याचा पाठलाग करताना श्रीलंकेचा संपुर्ण संघ १२६ धावांवर अटोपला. यासह भारताने तीन टी-२० सामन्याच्या मालिकेत १-० अशी आघाडी घेतली आहे.
नाणेफेक जिंकत श्रीलंकेने प्रथम फलंदाजी करण्यासाठी भारतीय संघाला पाचारण केले. सामन्यातील पहिल्याच चेंडुवर पदार्पणवीर पृथ्वी शॉ भोपळा न फोडताच बाद झाला. यानंतर मधल्या फळीतील इतर फलंदाजानी केलेल्या फलंदाजीमुळे भारताने निर्धारीत २० षटकात ५ गडी गमावत १६४ धावांची मजल मारली. भारताकडून सुर्यकुमार यादवने ३४ चेंडुत ५ चौकार आणि २ षटकारासंह सर्वाधीक ५० धावांची अर्धशतकी खेळी केली. तर श्रीलंकेकडून दुष्मंथा चमिरा आणि वानिदुं हसरंगा या दोघांनी प्रत्येकी २-२ गडी बाद केले.
India bowl out Sri Lanka for 126, winning by 38 runs!
They go 1-0 up in the three-match T20I series ????#SLvIND | https://t.co/LjwbAGMESN pic.twitter.com/CAqwayRdVw
— ICC (@ICC) July 25, 2021
प्रत्युत्तरात भारताने दिलेल्या लक्ष्याचा पाठलाग करताना श्रीलंकेचा संपुर्ण संघ १२६ धावांवर अटोपला. यासंह भारताने पहिला टी-२० सामना ३८ धावांनी जिंकला. श्रीलंकेकडून चरिथ असलांकाने २६ चेंडुत ३ चौकार आणि ३ षटकारांसह सर्वाधीक ४४ धावांची खेळी केली. तर भारताकडून या डावात उपकर्णधार भूवनेश्वर कुमारने २२ धावांत सर्वाधीक ४ गडी बाद केले. त्यालाच सामनाविराच्या पुरस्काराने सन्मानीत करण्यात आले.
महत्त्वाच्या बातम्या
- राज्यात आज १२३ रुग्णांचा मृत्यू कोरोनाबाधित ; वाचा आजची आकडेवारी
- तळिये, चिपळूणवासियांना दिला देवेंद्र फडणवीस यांनी धीर ; केला कोकणचा दौरा
- ‘उद्धव ठाकरे पांढऱ्या पायाचे! ते मुख्यमंत्री झाल्यापासून कोरोना आला, वादळं आली’
- अन् अतिवृष्टीने झालेले नुकसान पाहून खा. नवनीत राणांना अश्रू अनावर, पाहा हा व्हिडिओ..
- ‘तुम्हाला पायावर उभं करण्यासाठी सरकार तुमच्या पाठीशी’, मुख्यमंत्र्यांचा नुकसानग्रस्तांना विश्वास
