भारताच्या शिरपेचात मनाचा तुरा,अंतराळात इस्रो उभारणार स्वतंत्र स्पेस स्टेशन

टीम महाराष्ट्र देशा : इस्रो अवकाश संशोधनामध्ये नेहमीच उल्लेखनीय कामगिरी करत आले आहे. त्यामुळे आता इस्रो अवकाशात स्वतंत्र स्पेस स्टेशन उभारत अवकाश संशोधनामध्ये गरुड झेप घेणार असल्याची माहिती भारतीय अंतराळ संशोधन संस्थेचे (इस्रो) प्रमुख के. सिवन यांनी म्हटले आहे. ते आज पत्रकारांशी बोलत होते.

ISRO Chief K Sivan: We are planning to have a space station for India, our own space station. pic.twitter.com/5lGcuPwCuA

— ANI (@ANI) June 13, 2019

याबाबत सिवन म्हणाले की, हा महत्वाकांक्षी प्रकल्प ‘गगनयान’ मोहिमेचा पुढील भाग असेल. अंतराळात माणूस पाठवण्याच्या मोहिमेनंतरही आपल्याला ‘गगनयान’ कार्यक्रम टिकवून ठेवायचा आहे. त्यासाठीच भारत अवकाशात स्वतःचे अंतराळस्थानक निर्माण करण्याची तयारी करत आहे.

दरम्यान त्याचबरोबर चांद्रायन-२ नंतर भारताने आता शुक्र आणि सुर्याच्या अभ्यासाचे लक्ष्य निश्चत केले आहे. भविष्यातील अंतराळ संशोधनातील विविध मोहिमांसाठी भारताला स्वतःचे अंतराळस्थानक असल्याचा मोठा फायदा होऊ शकतो. सध्या अंतराळात दोनच स्थानके आहेत एक आंतरराष्ट्रीय अंतराळस्थानक तर दुसरे चीनचे स्वतःचे अंतराळस्थानक आहे.