मुंबई : माजी पंतप्रधान राजीव गांधी यांच्या २९ व्या स्मृतिदिनानिमित्त राज्यातील युवक काँग्रेसकडून ‘न्याय योजने’ची प्रतिकात्मक अंमलबजावणी करण्यात आली आहे. आज राज्यातल्या 29 हजार कुटुंबियांना 200 रुपये देण्याची प्रतिकात्मक योजना काँग्रेसने हाती घेतली आहे.याबाबतची माहिती युवक काँग्रेसचे प्रदेशाध्यक्ष सत्यजीत तांबे यांनी आपल्या ट्विटर अकाऊंट वरून दिली.
Jaideep Shinde, Gen. Secretary of Maharashtra Youth Cong explaining people about #EkDinKaNyay… #अनुभव_न्याय_मिळाल्याचा
Maharashtra Youth Congress will give the experience of NYAY program to 29000 families today. pic.twitter.com/0XSQjv9jKH— Satyajeet Tambe (@satyajeettambe) May 21, 2020
या अंतर्गत युवक काँग्रेस राज्यातील 29 हजार कुटुंबियांना प्रत्येकी 200 रुपये देण्यात येणार आहे. न्याय योजनेच्या महिन्याच्या 6 हजार रुपयांच्या योजनेचं प्रतिकात्मक वाटप आज युवक काँग्रेसकडून करण्यात आले. कोरोनामुळे मंदीचा सर्वसामान्य नागरिकांना मोठा फटका बसत आहे. लॉकडाऊनमुळे देशातील सर्वाधिक जनता ही घरात अडकून पडली आहे.
या आर्थिक अडचणीत गोरगरीबांना मदत करण्यासाठी, सर्वसामान्यांना दिलासा देण्यासाठी केंद्र सरकारने एखादी योजना राबवावी, अशी मागणी काँग्रेसने केली होती. पुढील सहा महिन्यांसाठी प्रत्येक कुटुंबाला 6 हजार रुपये द्यावे, अशी मागणी काँग्रेसने केली.
मात्र या मागणीकडे केंद्र सरकारचे लक्ष वेधले जावे यासाठी राज्यातील 29 हजार कुटुंबियांना युवक काँग्रेसकडून 200 रुपये देण्यात आले आहेत. महिन्याला 6 हजार म्हणजेच दिवसाला 200 रुपये अशी प्रतिकात्मक मदत युवक काँग्रेसने दिली.
