दिवस फिरले : चिराग पासवान यांना पक्षाच्या अध्यक्षपदावरून हटवलं

🕒 1 min read

पटना – बिहारमध्ये लोकजनशक्ती पार्टीत सध्या जोरदार घमासान सुरू असल्याचे दिसत आहे. पक्षाच्या सहापैकी पाच खासदारांनी पक्षनेते चिराग पासवान यांच्याविरोधात बंड करून, त्यांचे काका पशूपती कुमार पारस यांची नेतेपदी निवड केली असून, आता चिराग पासवान यांना लोकजनशक्ती पार्टीच्या अध्यक्षपदावरूनही हटववण्यात आलं आहे.

या सर्व घडामोडींच्या पार्श्वभूमीवर चिराग यांनी ट्विटरच्या माध्यमातून दु:ख व्यक्त केले आहेत. चिराग यांनी ट्विट केले आहे की, ‘मी पापा आणि माझ्या कुटुंबाने बनवलेल्या या पार्टीला माझ्या कुटुंबासोबत ठेवण्यात प्रयत्न केला पण अयशस्वी ठरलो. पार्टी आईसारखी असते आणि आईची फसवणूक होऊ नये, असे मला वाटते. लोकशाहीमध्ये लोक सर्वोपरी असतात. पक्षावर विश्वास असणाऱ्या लोकांचे मी आभार मानतो. मी एक जुने पत्र शेअर करत आहे असे त्यांनी म्हटले आहे.

पापा की बनाई इस पार्टी और अपने परिवार को साथ रखने के लिए किए मैंने प्रयास किया लेकिन असफल रहा।पार्टी माँ के समान है और माँ के साथ धोखा नहीं करना चाहिए।लोकतंत्र में जनता सर्वोपरि है। पार्टी में आस्था रखने वाले लोगों का मैं धन्यवाद देता हूँ। एक पुराना पत्र साझा करता हूँ। pic.twitter.com/pFwojQVzuo

— युवा बिहारी चिराग पासवान (@iChiragPaswan) June 15, 2021

दरम्यान, आता चिराग पासवान यांना विरोधी पक्षांकडून तगड्या ऑफर येत आहेत. काँग्रेस आणि लालू प्रसाद यादव यांचा राष्ट्रीय जनता दल या पक्षांनी चिराग पासवान यांना आपल्या ताफ्यात घेण्यासाठी प्रयत्न केले जात आहेत. एनडीएची साथ सोडून आमच्यासोबत या आणि विरोधी पक्षांचा आवाज बुलंद करा, अशी ऑफर RJD आणि काँग्रेस आघाडीने चिराग पासवान यांना दिली आहे.

तर दुसऱ्या बाजूला काँग्रेसनेही चिराग पासवान यांना आपल्यासोबत येण्याचं आवाहन केलं आहे. काँग्रेसचे ज्येष्ठ नेते प्रेमचंद मिश्रा यांनी, चिराग पासवान यांनी काँग्रेसमध्ये सहभागी होऊन विरोधी पक्षाला आणखी मजबूत करावं असं म्हटलं आहे. आता चिराग पासवान नेमकी काय पावले उचलणार याकडे सर्वांचे लक्ष आहे.

महत्त्वाच्या बातम्या

• शिवसेनेला भाजपची भीती वाटतेय की मित्रपक्षांवर भरोसा नाही ?
• रावसाहेब दानवेंच्या कार्यालयाची झाडाझडती, दोन अधिकाऱ्यांसह पाच पोलीस निलंबित
• WTC चा अंतिम सामना जिंकणाऱ्या टीमला मिळणार ‘एवढी’ रक्कम
• ‘या’ ठिकाणी दुसऱ्यांदा अतिक्रमणाचा प्रयत्न, मनपाच्या अतिक्रमण विभागाने हाणून पाडला!
• काँग्रेस प्रदेशाध्यक्ष अडचणीत! बदनामी प्रकरणी नाना पटोले यांच्याविरोधात पोलिसांत तक्रार