‘प्रशांत भूषण आगे बढो…आप के पिछे पाकिस्तान है…’, भाजप नेत्याची जहरी टीका

🕒 1 min read

मुंबई : ज्येष्ठ वकील प्रशांत भूषण यांना सर्वोच्च न्यायालय व सरन्यायाधीश शरद बोबडे यांच्यावर वादग्रस्त ट्विट केल्याप्रकरणी दोषी असल्याचा निकाल दिला आहे. प्रशांत भूषण यांना १ रुपयाचा दंड सुनावण्यात आला आहे. त्यांनी जर हा दंड १५ सप्टेंबर पर्यंत भरला नाही तर मात्र त्यांना शिक्षेला सामोरे जावे लागणार आहे.

प्रशांत भूषण यांना अवघा १ रुपयाचा दंड भरण्यास सांगितले असून जर त्यांनी तसे केले नाही तर तीन महिने कारावास वा वकिली करण्यावर ३ वर्षांच्या बंदीची शिक्षा सुनावण्यात आली आहे. प्रशांत भूषण यांनी माफी मागावी यासाठी दबाव आणला जात होता मात्र, माफी न मागण्यांवर ठाम असल्याची भूमिका त्यांनी कोर्टात मांडली होती.

यानंतर हे प्रकरण मिटवण्यावरून देशभरात चर्चा व राजकीय टिकांचे सत्र सुरु झाले होते. माफी न मागण्यावर ठाम असलेले प्रशांत भूषण हे १ रुपयाचा दंड भरणार का यावर सर्वांच लक्ष लागले आहे. जर त्यांनी हा दंड भरला तर त्यांनी केलेल्या वक्तव्य हे गुन्हा असल्याचे मान्य केल्यासारखे होईल असे म्हणले जात आहे. त्यामुळे येत्या काळात भूषण काय करतात हे महत्वाचं ठरणार आहे.

या निर्णयावरून आता भाजप नेते अवधूत वाघ यांनी प्रशांत भूषण यांच्यावर जोरदार टीका केली आहे. ‘प्रशांत भूषण.. आपण बिलकुल १ रुपया दंड भरु नका. ३ महीन्यांचाच काय आजन्म कारावासाची तयारी ठेवा. आपल्यावर ३ वर्षापर्यंतची व्यवसाय बंदी लादली. आपण आजन्म व्यवसाय सोडण्याची घोषणा करुन प्रत्युत्तर द्या. प्रशांत भूषण आगे बढो…आप के पिछे पाकिस्तान है…’ अस ट्विट करत अवधूत वाघ भूषण यांच्यावर निशाणा साधला आहे.

सुप्रीम कोर्टाने स्वतःला कायद्यापेक्षा मोठे समजणाऱ्या प्रशांत भूषण यांना त्यांची ‘औकात’ दाखवली

प्रशांत भूषण..
आपण बिलकुल १ रुपया दंड भरु नका.
३ महीन्यांचाच काय आजन्म कारावासाची तयारी ठेवा.
आपल्यावर ३ वर्षापर्यंतची व्यवसाय बंदी लादली.
आपण आजन्म व्यवसाय सोडण्याची घोषणा करुन प्रत्युत्तर द्या.
प्रशांत भूषण आगे बढो
आप के पिछे पाकिस्तान है

— Avadhut Wagh अवधूत सुशीला रमाकांत वाघ (@Avadhutwaghbjp) August 31, 2020

तर, या निर्णयावरून भाजप आमदार अतुल भातखळकर यांनी देखील प्रशांत भूषण यांच्यावर सडकून टीका केली. ‘ सुप्रीम कोर्टाने स्वतःला कायद्यापेक्षा मोठे समजणाऱ्या प्रशांत भूषण यांना त्यांची ‘औकात’ दाखवली’. दोन पर्याय… एक तर 1 रुपया दंड भरा, किंवा 3 महिने तुरुंगवास आणि 3 वर्षे प्रॅक्टिस वर बंदी’. अस ट्विट करत भातखळकर यांनी प्रशांत भूषण यांच्यावर निशाणा साधला आहे.

सुप्रीम कोर्टाने स्वतःला कायद्यापेक्षा मोठे समजणाऱ्या प्रशांत भूषण यांना त्यांची 'औकात' दाखवली.
दोन पर्याय…
एक तर 1 रुपया दंड भरा,
किंवा 3 महिने तुरुंगवास आणि
3 वर्षे प्रॅक्टिस वर बंदी. pic.twitter.com/3PZhxJFV4V

— Atul Bhatkhalkar (@BhatkhalkarA) August 31, 2020

काय म्हणाले होते प्रशांत भूषण?

27 जून रोजी करण्यात आलेल्या एका ट्वीटमध्ये प्रशांत भूषण यांनी 4 माजी सरन्यायाधीशांना हे लोकशाहीच्या हत्येत सहभागी असल्याचे वक्तव्य केलं होतं. तसेच काही दिवसांपूर्वी सरन्यायाधीश शरद बोबडे हे नागपूरमधील राजभवनात हार्ले डेव्हिडसन मोटारसायकलवर स्वार झाल्याचं एक छायाचित्र प्रसिद्ध झालं होते. त्यावर प्रशांत भूषण यांनी उपहासात्मक टिप्पणी केली होती. प्रशांत भूषण यांच्या ट्वीटची दखल घेत सर्वोच्च न्यायालयाने त्यांना न्यायालयाचा अवमान केल्याची नोटीस बजावली होती.

सर्वोच्च न्यायालयाच्या अवमान प्रकरणी प्रशांत भूषण यांना १ रुपयाचा दंड