टीम महाराष्ट्र देशा : विश्वचषकातील सर्वात महत्वाचा सामना भारत विरुद्ध पाकिस्तान यासाठी तिकिटांच्या किंमती प्रचंड वाढल्या आहेत. एका तिकिटाची किंमत ६० हजार रुपयांपर्यंत गेली आहे. २०१३ नंतर भारत आणि पाकिस्तान यांचा सामना फक्त आयसीसी आणि आशिया क्रिकेटच्या मालिकांमध्येच झाला आहे. पाश्चिमात्य देशात लाखोंच्या संख्येने भारतीय आणि पाकिस्तानी वंशाचे लोक राहतात. त्यामुळे या महासंग्रामासाठी दर्शकांनी गर्दी केली आहे. २०जार क्षमता असलेल्या ओल्ड ट्रॅफर्ड खिडकी उघडताच सर्व तिकिटांची विक्री झाली. पण ज्यांनी तिकिटं घेतली आहेत, ते लोक यातून मोठा नफा कमावत आहेत.
गोल्ड, प्लॅटिनम आणि ब्राँझ असा तिकिटांचा प्रकार होता. ब्राँझ आणि सिल्वर कॅटेगरीचे तिकीट पूर्णपणे विकण्यात आले आहेत, ज्याची किंमत १७ हजार ते २७ हजार रुपयांपर्यंत होती. मूळ किंमत सांगण्यात आलेली नाही, पण रिसेलमध्ये तिकिटांतून मोठ्या प्रमाणात नफा कमावण्यात आला आहे. विश्वचषकात पाकिस्तानला आतापर्यंत एकदाही भारताविरुद्ध जिंकलेला नाही. भारताने आतापर्यंत दोन वेळा १९८३ मध्ये विश्वचषक जिंकला आहे, तर पाकिस्तानने इम्रान खानच्या नेतृत्त्वात 1992 मध्ये विश्वविजेता होण्याचा मान मिळवला होता.
