अहमदनगर/ऋषिकेश घोगरे:- राज्यातील महाविकास आघाडी सरकारने जनतेचा विश्वासघात केला आहे. अनेक महीने घरात बसलेले मुख्यमंत्री राज्याने कधी पाहीले नव्हते. शेतकरी मदतीपासून वंचित आहेत. समाजातील कोणत्याच घटकांना आघाडी सरकार दिलासा देवू शकले नाही. पंतप्रधान नरेंद्र मोदी यांच्या नेतृत्वाखाली सबका साथ सबका विकास मंत्राने संपूर्ण देशाचा विश्वास संपादन केला आहे.
बिहार निवडणुकीच्या यशानंतर सर्वाची जबाबदारी वाढली आहे. आगामी निवडणुका लक्षात घेवून आत्मनिर्भर योजना समाजाच्या शेवटच्या घटकापर्यत पोहचवा. राज्यात लवकरच सत्ता येईल. शिर्डी नगरपंचायतीवरही भाजपचाच झेंडा फडकविण्यासाठी कटीबध्द व्हा, असा संदेश माजी मंत्री तथा भाजपाचे जेष्ठ नेते आ.राधाकृष्ण विखे पाटील यांनी पदाधिकारी आणि कार्यकर्त्यांना दिला आहे.
शिर्डी शहरातील भाजपच्या नूतन पदाधिकार्‍यांना नियक्ती पत्र आ.विखे पाटील यांच्या हस्ते देण्यात आले. यावेळी ते बोलत होते. आ.विखे पाटील पुढे म्हणाले की, महाविकास आघाडी सरकारचे अपयश जनतेला सांगावे लागेल.
आगामी काळात शिर्डी नगरपंचायतीची असलेली निवडणुक लक्षात घेवून पदाधिकारी आणि कार्यकर्त्यांनी नियोजन सुरू करावे. थोड्याच दिवसात राज्यात भाजपची सत्ता येईल आणि शिर्डी नगरपंचायतीवरही भाजपा झेंडा फडकेल असे सुतोवाचही आ.विखे यांनी केले आहे.
बिहार विधानसभा निवडणुकीत पक्षाला मिळालेले यश हे पंतप्रधान नरेंद्र मोदी यांच्या नेतृत्वावर विश्वास व्यक्त करणारे आहे. इतर राज्यात झालेल्या पोटनिवडणुकीतून जनतेचे पाठबळ भाजपाच्या पाठीशी असल्याचे सिध्द झाले आहे, असे आ.विखे म्हणाले.
यावेळी, जिल्हाध्यक्ष राजेंद्र गोंदकर, ज्ञानेश्वर गोंदकर, पक्षाच्या उद्योग आघाडीच्या उत्तर महाराष्ट्राचे प्रमुख शिवाजीराव गोंदकर, शहराचे अध्यक्ष सचिन शिंदे, उपनगराध्यक्ष मंगेश त्रिभुवन यांच्यासह आदी उपस्थित होते.
महत्वाच्या बातम्या
- ग्रामीण घरकुल योजनांसाठी कोणत्याही प्रकारे निधीची कमतरता पडू देणार नाही – उद्धव ठाकरे
- पुढील ३ वर्षात शेतकऱ्यांना दिवसा ८ तास वीज पुरवठा करणार – नितीन राऊत
- ‘देशाला विभागण्यासाठी भाजपकडून ‘लव्ह जिहाद’ या शब्दाची निर्मिती’ : अशोक गेहलोत
- ‘हे’ दोन आयएएस अधिकारी घेणार घटस्फोट
- ‘रेमेडिसविर’ औषध कोरोनावर गुणकारी नाही ; WHO ने केले औषधांच्या यादीतून बाद
