भोपाळ : भाजप नेते व राज्यसभेचे खासदार ज्योतिरादित्य सिंधिया यांनी गुरुवारी प्लाझ्मा दान केला. विशेष म्हणजे संसर्गातून बरे झालेल्या लोकांना सरकार त्यांचे प्लाझ्मा दान करण्याचे आवाहन करीत आहेत, ज्यामुळे कोरोना संक्रमित लोकांच्या उपचारांमध्ये मदत होऊ शकते. सिंधिया म्हणाले की देशवासियांच्या जीवाचे रक्षण करणे ही सर्वांची जबाबदारी आहे.
जूनच्या पहिल्या आठवड्यात, सिंधिया आणि त्यांची आई माधवी राजे सिंधिया कोरोना संक्रमित असल्याचे आढळले. त्यानंतर त्यांना उपचारासाठी दिल्लीच्या मॅक्स रुग्णालयात दाखल करण्यात आले. उपचारानंतर दोघेही बरे झाले.
संक्रमण का सामना कर मैं और मेरे जैसे हजारों अन्य नागरिक जो स्वस्थ हो चुके हैं, उन्हें अपना प्लाज्मा डोनेट कर अन्य संक्रमितों के इलाज में मदद करनी चाहिये। देशवासियों की जान की सुरक्षा करना सभी का दायित्व है। @narendramodi @AmitShah @JPNadda @ChouhanShivraj @drharshvardhan pic.twitter.com/1N73IfFL2q
— Jyotiraditya M. Scindia (@JM_Scindia) July 9, 2020
जून महिन्यात जोतीरादित्य सिंधिया यांच्या घश्यात खवखव आणि ताप जाणवल्यानंतर त्यांची कोरोना टेस्ट करण्यात आली होती. त्यामध्ये त्यांना कोरोनाची लागण झाल्याचे समोर आले होते. याशिवाय त्यांच्या आई माधवी राजे सिंधिया यांना देखील कोरोनाची लागण झाली होती. मात्र काही दिवसांतच सिंधिया यातून बरे झाले आहेत. त्यानंतर त्यांनी आपला प्लाझ्मा दान केल्याने देशभरातून सिंधिया यांच्यावर कौतुकाचा वर्षाव होत आहे.
