तुम्ही तर भुकेल्या माणसासमोर जेवणावर ताव मारताय’; अन्नू कपूर यांनी सेलिब्रिटींनी सुनावले

🕒 1 min read

मुंबई : देशात कोरोनाच्या दुसऱ्या लाटेमुळे राज्यात बिकट परिस्थिती निर्माण झाली आहे. याची खबरदारी म्हणून काही ठिकाणी कडक निर्बंध लावण्यात आले तर काही ठिकाणी लॉकडाऊन करण्यात आले. अशा परिस्थितीत बॉलिवूडमधील अनेक सेलिब्रिटी गरजू व्यक्तिना मदत करण्यासाठी पुढे येत आहेत.  तर दुसरीकडे संपूर्ण देश बिकट परिस्थितीचा सामना करत असताना अनेक बॉलिवूड सेलिब्रिटी सोशल मीडियावर सुट्ट्यांचा आनंद घेतानाचे फोटो शेअर करताना दिसत होते. आता अभिनेते अन्नू कपूर यांनी व्हेकेशन फोटो शेअर करणाऱ्या सेलिब्रिटींवर संताप व्यक्त केला आहे.

अन्नू कपूर यांनी व्हेकेशन फोटो शेअर करणाऱ्यांना सुनावले आहे. ‘तुम्ही सुट्टी घ्या, त्याचा आनंद देखील घ्या. मला यामुळे कोणतीही समस्या नाही. पण संपूर्ण देश कोरोनासारख्या महामारीशी लढत असताना सेलिब्रिटींनी व्हेकेशनचे फोटो शेअर करणे मला अजिबात आवडलेले नाही. तुम्ही तर भुकेल्या माणसासमोर ५६ पंचपक्वान असलेल्या थाळीवर ताव मारत आहात’ असे त्यांनी म्हटले आहे.

https://twitter.com/annukapoor_/status/1385468466157682691?s=20

पुढे ते म्हणाले, ‘माहिती आहे तुम्हाला हे परवडण्यासारखे आहे, माहिती आहे तुमच्याकडे पैसा आहे. तुम्ही आणखी काय दाखवू इच्छिता? पण हे असे वागणे योग्य नाही. सेलिब्रिटींनी थोडे संवेदनशील असलायला हवे आणि सहानुभूती दाखवायला हवी.’ यापूर्वी अन्नू कपूर यांनी ट्वीट करत सुनावले होते. ‘श्रीमंत, सेलिब्रिटी आणि मीडियाला विनंती करतो की परदेशात जाऊन सुट्ट्यांचा आनंद घेतानाचे फोटो सोशल मीडियावर शेअर करु नका. कारण सध्या संपूर्ण देश या महामारीचा सामना करत आहे’ असे त्यांनी ट्वीटमध्ये म्हटले होते.

महत्त्वाच्या बातम्या

• उत्तर प्रदेश हे आता ‘नाथांचे नसून अनाथांचे राज्य’
• मराठा आरक्षणाअभावी शिक्षणाची संधी हुकली; धुळ्यात विद्यार्थ्याची आत्महत्या
• ठरलं तर ! ‘या’ तारखेला होणार भव्य मराठा आरक्षण मोर्चा
• देवमाणूस : कोरोनामुळे मृत्यू झालेल्या कर्मचाऱ्यांच्या कुटुंबियांना देणार रतन टाटा आधार
• चित्रपटात भूमिकेसाठी फोन केलेल्या दिग्दर्शकाला गागुंलीने दिले ‘असे’ उत्तर