नाशिकमध्ये मुथूट फायनान्सवर फिल्मीस्टाईलं दरोडा, गोळीबारात ऑडिटरचा मृत्यू

टीम महाराष्ट्र देशा: नाशिक शहरामध्ये भरदिवसा फिल्मीस्टाईलं दरोडा टाकल्याची धक्कदायक घटना घडली आहे, शहरातील उंटवाडी परिसरातील मुथूट फायनान्समध्ये दरोडेखोरांनी गोळीबार करत लुट केली आहे. चोरट्यांनी केलेल्या गोळीबारात एकाचा मृत्यू झाला आहे.

सकाळी अकरा वाजण्याच्या सुमारास तोंडावर काळा कपडा बांधून पाच दरोडखोर मुथूटच्या कार्यालयात आले होते. यावेळी उपस्थित असलेल्या कर्मचाऱ्यांनी दरोडेखोरांचा प्रतिकार करत धोक्याचा अलार्म वाजवला, त्यामुळे चिडलेल्या दरोडेखोरांनी बेछूट गोळीबार केला. यामध्ये संजू सॅम्युअल नावाच्या ऑडिटरचा मृत्यू झाला आहे. तर इतर दोघे जखमी झाले आहेत.

घटनेनंतर पोलिस आयुक्त विश्वास नांगरे पाटील स्वत: घटनास्थळी दाखल झाले, मात्र नाशिकमध्ये गेल्या काही दिवसांपासून गुन्हेगारी घटनांमध्ये वाढ झाली आहे. गुन्हेगारांमध्ये पोलिसांची दहशत कमी होत चाललीय का असा प्रश्न या निर्माण झाला आहे.