परभणीच्या शासकीय रुग्णालयात सलग दुसऱ्या दिवशी लागली आग

परभणी : शासकीय रुग्णालयात शनिवारी रात्री आग लागली होती, यानंतर रविवारी संध्याकाळच्या सुमारास पुन्हा आगीची घटना समोर आली आहे. जिल्हा शासकीय रुग्णालयातील लाँड्री विभागास आग लागल्याने रुग्णांसह परिसरातील नागरिकांमध्ये घबराट पसरली आहे.

शनिवारी रात्रीच रुग्णालयातील अपघात विभागाच्या वरच्या मजल्यावर ठेवलेल्या साहित्यास मोठी आग लागली होती. अचानक आग लागल्याने तेथे मोठा गोंधळ उडाला होता. या घटनेनंतर खालच्या मजल्यावरील अपघात विभागातील रुग्णांना तातडीने बाहेर हलवण्यात आले. या घटनेला 24 तासही उलटले नसतील तोच आज संध्याकाळी पुन्हा लाँड्री विभागात आगीचे लोळ पाहायला मिळाले.

आग लागल्याचे समजात उपस्थित कर्मचाऱ्यांनी सामान्य नागरिकांच्या मदत ती शमवण्यासाठी प्रयत्न सुरू केले. अग्निशमन विभागलाही आगीची माहिती देण्यात आली. अग्निशमन दलाच्या पथकाने घटनास्थळी तातडीने दाखल होऊन आगीवर नियंत्रण मिळवले. या आगीचे नेमके कारण अद्याप समोर आले नसून या घटनेमुळे रुग्णांसह परिसरातील नागरिकांमध्ये घबराटीचे वातावरण पसरले आहे.

महत्वाच्या बातम्या

• फडणवीसांनी मराठा समाजाची दिशाभूल केलीये; समाजाने EWSच आरक्षण स्वीकारावं – संभाजी ब्रिगेड
• महापुरुषांना जातीपातीच्या चौकटीत अडकवणं चुकीचं – पालकमंत्री धनंजय मुंडे
• भांडवलदारांना कृषी व्यवसायात चंचूप्रवेश देण्याचा मोदींचा डाव; ‘या’ मंत्र्याचा आरोप
• सव्वा वर्ष लागत का वचन दिल नव्हतं हे सांगायला ? : अरविंद सावंत
• ‘ते आले, त्यांनी पाहिलं आणि जिंकलं !’