रस्त्याचे काम सुरू होत नाही, तोवर ते खोदू नका-आ.नमिता मुंदडा

बीड : अंबाजोगाईत शासकीय विश्रामगृह येथे महाराष्ट्र राज्य रस्ते विकास महामंडळाची बैठक पार पडली. आमदार नमिता मुंदडा यांच्या प्रमुख उपस्थितीत आढावा बैठकीचे आयोजन करण्यात आले होते. रस्त्याच्या रखडलेल्या कामाने आणि वाढत्या वाहतुकीमुळे निर्माण झालेल्या गैरसोयींनी अंबाजोगाई व परिसरात अपघातांचे सत्र वाढले आहे. हे वाढते अपघात रोखण्यासाठी रखडलेले रस्त्याचे काम लवकर मार्गी लावा. रस्त्याचे काम सुरू होत नाही. तोवर रस्ते खोदू नका अशा सूचना आ. नमिता मुंदडा यांनी अधिकाऱ्यांना केल्या.

बैठकीला नंदकिशोर मुंदडा, अक्षय मुंदडा, रस्ते विकास महामंडळाचे कार्यकारी अभियंता विक्रम जाधव, एच.पी.एम. कंपनीचे संचालक अजय देशमुख, तांत्रिक सल्लागार रविकुमार, अभियंता निवृत्ती शिंदे, विकास देवळे यांची उपस्थिती होती. बैठकीत आ.मुंदडा यांनी उपस्थित अधिकाऱ्यांचे विविध समस्यांवर लक्ष वेधले. पिंपळा ते मांजरसुंबा या ८२ कि.मी. लांबीच्या रस्त्याचे काम गेल्या अडीच वर्षांपासून सुरू आहे. अत्यंत मंद गतीने सुरू असलेल्या या कामामुळे रहदारीस मोठ्या अडथळे निर्माण होत आहेत. काम सुरू करण्याअगोदरच रस्त्यांवर खड्डे खोदून ठेवण्यात येत असल्याने याचा मोठा त्रास वाहनचालकांना होतो. रखडलेल्या कामामुळे अपघातांचे प्रमाण वाढले आहे. त्यामुळे रस्त्याचे काम लवकरात लवकर मार्गी लावावे अशा सूचना त्यांनी केल्या.

मुदतीपूर्वी काम पूर्ण करा. अशा सूचना देऊन जिथे पुलाचे काम सुरू आहे. तिथे डांबरी रस्त्याचे डायर्व्हशन करा. भाटुंबा व कळमअंबा येते चार नळ्यांचे पूल बांधण्यात यावेत. नेकनूर व केज शहरातील रस्त्याचे रुंदीकरण करण्यात यावे. अंबाजोगाई शहरात लोखंडी सावरगाव ते यशवंतराव चव्हाण चौक या रस्त्याचे चौपदरीकरण करण्यासाठी परवानगी देण्यात यावी. जोपर्यंत रस्त्याचे काम सुरू होत नाही. तोपर्यंत रस्ते खोदू नका. अशा विविध विषयांवर या बैठकीत चर्चा झाली.

महत्वाच्या बातम्या

• लॉकडाऊनसारखी कठीण परिस्थिती पुन्हा उद्भवल्यास शेतकऱ्यांना अडचणी येऊ देणार नाही; खोतकर
• तरुण शेतकऱ्यांनी नवीन पीक पद्धती स्विकारून शेतीत क्रांती घडवावी : रावसाहेब दानवे
• पाण्याच्या टाकीत सापडले होते दोन सांगडे; 8 वर्षांनंतर अज्ञाताविरुद्ध खुनाचा गुन्हा दाखल
• लघुशंकेसाठी थांबलेल्या व्यक्तीच्या पाठीवर चाकूने वार; दीड लाख रुपयांची रक्कम लंपास
• राज्यात गारपीट, अवकाळी पाऊस; वीज पडून ६ ठार; शेतकऱ्यांचं अतोनात नुकसान