कानपूर: भारत आणि न्यूझीलंड (IND vs NZ)यांच्यातील दोन कसोटी सामन्यांच्या मालिकेतील पहिला सामना गुरुवारपासून (२५ नोव्हेंबर) कानपूरमध्ये खेळवला जात आहे. मात्र आता हा सामना एका वेगळ्याच कारणाने चर्चेत येत आहे. या कसोटी सामन्याच्या पहिल्या दिवशी मैदानावर प्रेक्षकांची संख्या बऱ्यापैकी दिसून आली. यातील एक दर्शक सोशल मीडियावर खूप प्रसिद्ध होत आहे. प्रत्यक्षात कॅमेरामनने एका व्यक्तीचा व्हिडिओ बनवला, जो सोशल मीडियावर व्हायरल झाला. लाईव्ह टेलिकास्ट दरम्यान, कॅमेरामनने कानपूरच्या ग्रीन पार्क स्टेडियममध्ये गुटखा खाणाऱ्या व्यक्तीकडे बोट दाखवले. हा व्हिडिओ फुटेज चांगलाच व्हायरल झाला आहे. व्हिडिओमध्ये सामना पाहण्यासाठी आलेला एक व्यक्ती तोंडात गुटखा घेऊन फोनवर बोलताना दिसत आहे. आता या व्यक्तीची ओळख पटली आहे.
स्टेडियममध्ये गुटखा, पान, सुपारी यांसारख्या वस्तूंवर बंदी आहे. अशा परिस्थितीत कानपूर पोलिसांनीही या व्यक्तीचा शोध सुरू केला होता. शोभित पांडे(Shobhit Pandey) असे या व्यक्तीचे नाव असल्याचे सांगितले जात आहे. व्हिडिओमध्ये शोभितने त्याच्यासोबत बसलेल्या महिलेला बहीण म्हटले आहे. तो म्हणाला माझा व्हिडिओ व्हायरल झाला होता. त्यावेळी माझ्यासोबत माझी बहीण बसली होती. मी गुटखा किंवा पान मसाला खाल्ला नव्हता, ती गोड सुपारी तोंडात होती. असे या व्यक्तीने म्हटले आहे.
Relax.. Boys wo gutkha nhi mithi supari tha????????#INDvsNZ #gutkhaman ???? pic.twitter.com/9QCd1kX2up
— Sandy (@rebel_sandy45) November 26, 2021
दरम्यान या व्हिडिओनंतर सोशल मिडीयावर मिम्स चा अक्षरश पाऊस पडला. लोकांनी या व्यक्तीला प्रचंड ट्रोल केले आहे. दरम्यान भारताचा पहिला डाव 345 धावांवर आटोपला. टीम इंडियाकडून श्रेयस अय्यरने 105 धावा केल्या. शुभमन गिलने 52 आणि रवींद्र जडेजाने 50 धावा केल्या. न्यूझीलंडच्या टीम साऊदीने 5 विकेट घेतल्या. किवी संघाचा पहिला डाव सुरु झाला आहे.
महत्वाच्या बातम्या:
- आशियाई चॅम्पियन्स हॉकी स्पर्धा; ‘या’ खेळाडूकडे असणार कर्णधारपद
- इंडोनेशिया खुली बॅडमिंटन स्पर्धा : सात्त्विक-चिराग यांची विजयी घोडदौड
- महाराष्ट्राची सत्ता हातात घेण्यासाठी राज्य पेटवायचा डाव- यशोमती ठाकूर
- टी-२० वर्ल्डकपमध्ये भारत पाकिस्तानविरुद्ध सामन्यात भयभीत होता; इंझमामचे बेधडक वक्तव्य
- ‘भारत हा सर्वाधिक धर्मनिरपेक्ष देश असून पाश्चात्य माध्यमांना भारताची प्रगती बघवत नाही’
