टीम महाराष्ट्र देशा : राष्ट्रवादीचे आमदार प्रकाश गजभिये नेहमीच वेगवेगळ्या पोशाखात आंदोलन करत असतात. यावेळी त्यांनी शहीद हेमंत करकरे यांच्या पोशाखात विधानभवनात एण्ट्री केली. यासोबतच गजभिये यांनी हातात फलक घेत “प्रज्ञाच्या शापाने मरण पावलेलो ही अंधश्रद्धा आहे, मी देशासाठी शहिद झालो”, असं त्यावर म्हटलेलं आहे.
मालेगाव बॉम्बस्फोटातील आरोपी प्रज्ञा ठाकूर यांनी काही दिवसांपूर्वी शहीद हेमंत करकरेंबद्दल वादग्रस्त विधान केले होते. “हेमंत करकरेंनी मला खूप त्रास दिला होता, म्हणून मी त्यांना श्राप दिलेला आणि त्यामुळेच त्यांचा दहशतवाद्यांच्या हल्ल्यात मृत्यू झाला, असं त्या म्हणाल्या होत्या. त्यामुळे त्यांच्यावर देशभरातून टीका करण्यात आली होती. यालाच प्रतिउत्तर देत आमदार प्रकाश गजभिये विधानभवनात शहीद हेमंत करकरेंच्या पोशाखात दाखल झाले होते.
दरम्यान, विधीमंडळाच्या प्रत्येक अधिवेशनात गजभिये नेहमी वेगवेगळ्या पोशाखात येत असतात. गेल्यावर्षीही गजभिये शिवाजी महाराजांच्या पोशाखात आले होते. मात्र या पोशाखामुळे ते अडचणीत सापडले होते. यावेळीही विधानभवनाच्या गेटजवळ गजभिये यांना पोलिसांनी अडवण्याचा प्रयत्न केला होता.
बातम्यांसाठी YouTube चॅनेल Subscribe करा
Subscribe Now
