संगमनेर: बीड जिल्ह्यातील परळीतील पूजा चव्हाण या तरूणीने पुण्यात जीवन संपवल्याने राजकीय वर्तुळात खळबळ उडाली आहे. ही तरूणी पुण्यात शिकण्यासाठी आलेली होती. नुकतीच तिसऱ्या मजल्यावरून उडी मारून तिनं आपली जीवनज्योत विझवली.
पूजा चव्हाणने स्वतः जीवनज्योत विझवली की तिला कोणी मारलं ? असा प्रश्न भाजपा महिला आघाडीने उपस्थित करून या प्रकरणाला वेगळंच वळण दिलं आहे. या २२ वर्षीय तरूणीचे ठाकरे सरकारमधील कथित मंत्र्यांसोबत प्रेमसंबंध होते, त्यातून तिने आत्महत्या केल्याचा आरोप भाजपाने केला आहे.
दरम्यान, पूजा चव्हाण गूढ मृत्यू प्रकरणावर भाजप नेते माजी मंत्री राधाकृष्ण विखे-पाटील यांनी भाष्य केले आहे. माध्यमांशी संवाद साधताना त्यांनी मोठा दावा केला आहे. ‘पूजा चव्हाण प्रकरणात गुंतलेले असल्यानेच मंत्री गायब आहेत’, असे म्हणत राधाकृष्ण विखे-पाटील यांनी थेट संजय राठोड यांचं नाव न घेता हा दावा केला आहे.
‘मुख्यमंत्री उद्धव ठाकरे यांच्यासह सर्वच जण सत्य बाहेर आलं पाहिजे असं सांगत आहेत. पण अजून मंत्रीच गायब आहे. गुन्हाही दाखल झालेला नाही. मग सत्य कसं बाहेर येणार? असा सवाल विखे-पाटील यांनी केला.
महत्त्वाच्या बातम्या
- …तर वर्षा बंगल्यावर शिवजयंती साजरी करू
- मुंबई मनपा निवडणुकीसाठी नाना पटोलेंनी दिला ‘स्वबळाचा नारा’
- बायकोपासून कुटुंबीयांचा विरोध लपवणे ही फसवणूकच, औरंगाबाद खंडपीठाचा निर्णय
- भारतातील एकूण सक्रिय रुग्णांपैकी 76.5% रुग्ण ‘या’ तीन राज्यात
- ‘भाजप किती अस्वस्थ झालेलं आहे त्याचं उत्तम उदाहरण म्हणजे पडळकर यांची विधाने’
