मुंबई : बीड जिल्ह्यातील परळीतील पूजा चव्हाण या तरूणीने पुण्यात जीवन संपवल्याने राजकीय वर्तुळात खळबळ उडाली आहे. ही तरूणी पुण्यात शिकण्यासाठी आलेली होती. मागील आठवड्यात पूजाने तिसऱ्या मजल्यावरून उडी मारून आत्महत्या केली. यानंतर महाविकास आघाडीमधील मंत्री संजय राठोड यांच्या या मुलीशी संबंध असून काही कथित कॉल रेकॉर्डिंग्स देखील समोर आले आहेत. त्यामुळे भाजपने महाविकास आघाडीचा ह्या प्रकरणावर खरपूस समाचार घेतलेला आहे.
दरम्यान महाविकास आघाडी सरकारमधील मंत्री संजय राठोड यांनी राजीनामा दिल्याचे वृत्त आहे.
विजय वडेट्टीवार या राजीनाम्याच्या वृत्तावर बोलताना म्हणाले की, शिवसेनेच्या एकाही नेत्याने आतापर्यत राठोड यांच्या राजीनाम्याच्या वृत्ताला दुजोरा दिलेला नाही. पण, यात तथ्य असेल तर हा मीडिया ट्रायलचा परिणाम असल्याचे वडेट्टीवार म्हणाले. त्याचबरोबर भाजप नेत्यांची महिलांबाबतची डझनावरी प्रकरणे मला सांगता येतील. पण, त्यांना नैतिकता लागू होत नाही. तिथे नैतिकता संपुष्टात येते, असे वडेट्टीवार म्हणाले.
सतत संजय राठोड यांचे नाव पूजा चव्हाण आत्महत्या प्रकरणामध्ये चर्चेत आहे. दरम्यान महाविकास आघाडी सरकारमधील मंत्री संजय राठोड यांनी राजीनामा दिल्याचे वृत्त आहे. प्रसारमाध्यमांमधील वृत्तांनुसार मंगळवारी मातोश्रीवर संजय राठोड यांनी आपला राजीनामा पाठवला असून तो मुख्यमंत्र्यांनी मान्य केला आहे. पूजा चव्हाण आत्महत्या प्रकरणी हा राजीनामा त्यांनी दिला की इतर काही कारणासाठी हे अद्याप स्पष्ट झालेले नाही. यासोबतच, राठोड यांच्या एका जवळच्या व्यक्तीने राजीनाम्याचे वृत्त फेटाळले आहे. सोबतच, ही एक अफवा असल्याचाही दावा केला.
महत्वाच्या बातम्या
- ‘शिवसेना गांधी आणि पवारांच्या इशाऱ्यावर नाचतेय; त्यांनी राम मंदिराची चिंता करू नये’
- लॉकडाऊन बाबत उद्धव ठाकरेंनी केलं मोठं विधान, तर कंटेनमेंट झोनबाबत देखील दिले आदेश !
- संजय राठोडांनी राजीनामा दिला ही माहिती चुकीची; संजय राऊत यांचं स्पष्टीकरण
- भविष्यात शिवसेना देशाचं नेतृत्व करेल; उद्धव ठाकरेंनी व्यक्त केला विश्वास
- आगामी निवडणुकांबाबत महाविकास आघाडीचं ठरण्याआधीच भाजप-रिपाइंचं ठरलं ?
