औरंगाबाद : काही दिवसांपूर्वी शहरात मुख्य बाजारपेठांसह प्रमुख रस्त्यांवर शंभर ठिकाणी सार्वजनिक स्वच्छतागृह उभारण्याचा निर्णय महापालिका प्रशासनाने घेतला होता. आज (दि. १८) पालिका प्रशासक तथा आयुक्‍त आस्तिककुमार पांडेय यांनी महिलांसाठी ५० तर पुरूषांसाठी ५० असे एकूण १०० स्वच्छतागृह तत्काळ उभारण्याची कार्यवाही सुरू केली आहे. यासाठी गुरूवारी त्यांनी रिएंफोर्सड प्लास्टिकमध्ये बनवलेल्या स्वच्छतागृह मॉडेलची पाहणी केली.
शहरातील मुख्य बाजारपेठा तसेच प्रमुख रस्त्यांवर पालिकेकडून सार्वजनिक स्वच्छतागृहांची व्यवस्था कुठेही करण्यात आलेली दिसत नाही. शहरातील मुख्य बाजारपेठ असलेल्या औरंगपुरा, गुलमंडी, सराफा, शहागंज, निराला बाजार येथे सार्वजनिक स्वच्छतागृह असले तरी यातील काही स्वच्छतागृह देखभाल दुरुस्तीअभावी बंद अवस्थेत आहेत.
बोटावर मोजण्याएवढेच स्वच्छतागृह शहरात सुरू आहेत. त्यामुळे पालिका आयुक्‍त पांडेय यांनी वर्षभरापूर्वी शहरात १०० ठिकाणी सार्वजनिक स्वच्छतागृह सुरू करण्याचा निर्णय जाहीर केला. फायबरपासून तयार केलेले हे स्वच्छतागृह असतील. त्यामुळे जागाही कमी लागणार असून किंमतही कमी असेल. ५० महिलासाठी तर ५० पुरुषांसाठी स्वच्छतागृह उभारण्यासंदर्भात अंदाजपत्रक तयार करण्याचे आदेश देखील त्यावेळी आयुक्‍त पांडेय यांनी दिले होते.
स्वच्छतागृह तत्काळ बसवण्याचे आदेश रिएंफोर्सड प्लास्टिकमध्ये मजबूत व दर्जेदार महिला व पुरुषांसाठी युरिनल्स (स्वच्छतागृह) मॉडेलची गुरूवारी पालिका मुख्यालयात आयुक्‍त पांडेय यांनी पाहणी केली. यावेळी शहरातील ज्या ज्या मुख्य आणि गर्दीच्या ठिकाणी युरिनल्स उपलब्ध नाहीत, अशा १०० ठिकाणी ५० महिलांसाठी आणि ५० पुरुषांसाठी युरिनल्स बसविण्याचे आदेश त्यांनी घनकचरा व्यवस्थापन कक्षप्रमुख नंदकिशोर भोंबे यांना दिले. त्यानुसार आता लवकरच शंभर स्वच्छतागृह बसवले जाणार आहेत.
महत्त्वाच्या बातम्या
- पुणे, पिंपरी चिंचवडसह ग्रामीण भागात 36 हजार थकबाकीदारांचा वीजपुरवठा खंडित
- ‘कसोटीगिरी’ साठी नावाजलेल्या पुजाराचं तब्बल ७ वर्षांनी आयपीएलमध्ये पुनरागमन !
- सरकार कोणालाच घाबरत नाही, आम्ही केलेली काम अधिवेशनात ठामपणे मांडू : अनिल परब
- तीन वर्षांची प्रतीक्षा ! शिवप्रेमींना मनपाची अशीही शिक्षा
- पंजाबने ५.२५ कोटी रुपयांची बोली लावलेला शाहरूख खान कोण आहे?
बातम्यांसाठी YouTube चॅनेल Subscribe करा
Subscribe Now
