मुंबई : राज्यात मराठा समाज आरक्षणाच्या मागणीसाठी आक्रमक झालेला असताना आता मराठा आंदोलकांनी महाविकास आघाडी मधील मंत्री छगन भुजबळ आणि विजय वडेट्टीवारांची मंत्रीमादालातून हकालपट्टी करा अशी मागणी राज्यपाल भगतसिंग कोश्यारी यांच्याकडे केली आहे. हे दोन्ही नेते ओबीसी आणि मराठा समाजात तेढ निर्माण करण्याचं काम करत असून त्यांची पक्षातून हकालपट्टी करावी, अशी मागणी मराठा क्रांती मोर्चाच्या समन्वयकांनी थेट राज्यपाल भगतसिंह कोश्यारी यांची भेट घेऊन ही मागणी केली आहे.
मराठा क्रांती मोर्चाच्या 15 समन्वयकांनी राज्यपाल भगतसिंह कोश्यारी यांची भेट घेतली. यावेळी छावा संघटनेचे पदाधिकारीही उपस्थित होते. या आंदोलकांनी राज्यपालांकडे आरक्षणाच्या अनुषंगाने विविध मागण्यांचे निवेदन दिलं आहे. तसेच भुजबळ आणि वडेट्टीवार यांचीही तक्रार केली आहे.
हे दोन्ही नेते सातत्याने चुकीची विधाने करून दोन्ही समाजाची दिशाभूल करत आहेत. हे दोन्ही नेते ओबीसी आणि मराठा समाजात तेढ निर्माण करत असल्याने मुख्यमंत्री उद्धव ठाकरे यांना सांगून त्यांची मंत्रिमंडळातून हकालपट्टी करण्यात यावी, अशी मागणी या आंदोलकांनी केली आहे. तसं निवेदनही त्यांनी दिलं आहे. मंत्र्यांकडून होणाऱ्या शेरेबाजीमुळे राज्यात मराठा आणि ओबीसी संघर्ष अटळ होण्याची शक्यता आहे. त्यामुळे त्यातून मार्ग काढावा, अशी मागणीही त्यांनी केली. यावेळी नानासाहेब पाटील, रमेश किरेपाटील आदी उपस्थित होते.
महत्वाच्या बातम्या
- प्रकाश आंबेडकरांचा समाजाला कुठलाही फायदा झालेला नाही; रामदास आठवलेंची टीका
- ‘संज्या सारखे भिकार मर्दानगीची वार्ता करतात यासारखं हास्यास्पद काही नाही’
- इगो बाजूला ठेऊन चर्चा करावी, आरोह वेलणकरचा शेतकरी आणि सरकारला सल्ला
- आर.बी.आय ने जाहीर केली नवीन वर्षातील बँकांच्या सुट्ट्यांची यादी !
- मी शिर्डीमध्ये पुन्हा येईन आणि लवकर परत जाणार नाही; आठवलेंचे शिर्डीमधून लढण्याचे संकेत
बातम्यांसाठी YouTube चॅनेल Subscribe करा
Subscribe Now
