येत्या विधानसभा निवडणुकीला विद्यमान ३० आमदारांना भाजप देणार डिच्चू

टीम महाराष्ट्र देशा : राज्यात भाजप पक्ष आता विधानसभा निवडणुकीच्या तयारीला लागला आहे. तर या विधानसभेला भाजप पक्ष लोकसभे प्रमाणे निष्क्रिय आमदारांचे तिकीट कापणार आहे. एक-दोन नव्हे तर जवळपास ३० विद्यमान आमदारांचं तिकीटा कापण्यात येणार असल्याची माहिती सूत्रांनी दिली आहे.

या विधानसभेला भाजपची शिवसेने बरोबर युती असल्याने भाजप १४४ जागांवर निवडणूक लढणार आहे. युती करताना ठरलेल्या अटीनुसार दोन्ही पक्ष सम-समान जागा लढवणार आहेत. गेल्या निवडणुकीत शिवसेनेने ६३ जागी विजय मिळवला होता. त्यामुळे यंदा फिफ्टी फिफ्टीचा फॉर्म्युला ठरला आहे.

या फॉर्म्युल्यामुळे भाजपला तिकीट वाटप करताना मोठी तडजोड करावी लागणार आहे. त्यामुळे निष्क्रिय आमदारांचं तिकीट कापण्याची तयारी भाजपने केली आहे. अंतर्गत संस्थांनी सर्व्हे करुन या आमदारांची माहिती मिळवल्याचं सांगण्यात येत आहे.