आ.सतीश चव्हाण यांची राज्य उच्च शिक्षण व विकास आयोगावर नियुक्ती

औरंगाबाद: विधान परिषदेचे सभापती मा.ना.रामराजे नाईक निंबाळकर यांनी विधान परिषदेच्या सदस्यांमधून महाराष्ट्र राज्य उच्च शिक्षण व विकास आयोगावर आ.सतीश चव्हाण यांची नियुक्ती केली आहे. महाराष्ट्र सार्वजनिक विद्यापीठ अधिनियम, २०१६ च्या कलम (२) (त्र) अन्वये ही नियुक्ती करण्यात आली आहे असे यावेळी सांगण्यात आले आहे.

महाराष्ट्र राज्य उच्च शिक्षण व विकास आयोगाअंतर्गत विद्यापीठाने सादर केलेल्या सर्वसमावेशक सम्यक योजनेला मान्यता देणे, शिक्षण देताना, शिक्षणामध्ये तंत्रज्ञानाचा वापर करताना, शिक्षणाचे प्रशासन व नियमन आदींमध्ये राष्ट्रीय व जागतिक पातळीवर होत असलेला विकास जाणून घेणे ही कार्ये समाविष्ट आहेत. तसेच या कार्याचा मागोवा घेणे व त्या बदलानुरूप राज्यातील शिक्षण पध्दतीमध्ये यथोचित धोरण व कार्यतंत्र विकसित करणे महत्वाची कर्तव्ये या आयोगाअंतर्गत येतात.

महाराष्ट्र राज्य उच्च शिक्षण व विकास आयोगाच्या सदस्यपदी नियुक्ती केल्याबद्दल आ.सतीश चव्हाण यांनी सभापती रामराजे नाईक निंबाळकर, उपमुख्यमंत्री अजित पवार, जलसंपदा मंत्री तथा राष्ट्रवादी कॉंग्रेस पार्टीचे प्रदेशाध्यक्ष जयंत पाटील यांचे आभार व्यक्त केले आहे. आमदार चव्हाण यांना शैक्षणिक, संशोधन आणि विकास परिसंस्थांमधील विविध ज्ञानस्त्रोत केंद्रांच्या जाळ्याच्या निर्मितीव्दारे माहिती व संदेशवहन तंत्रज्ञानाचा वापर करून संशोधनाची व्याप्ती व दर्जा यात वाढ करणारी संशोधन जर्नल्स, संशोधन व तंत्रज्ञान यांच्या आदानप्रदानासाठी वाव देणे आदी कार्य व कर्तव्ये पार पाडावी लागणार आहे.

महत्वाच्या बातम्या

• पियुष गोयल शेतीतज्ज्ञ आहेत हे कळाल्याने माझ्या ज्ञानात भर पडली : शरद पवार
• ‘उस्मानीचे भाषण ऐकले नाही, मुळात एल्गार परिषदेला महत्व देत नाही’
• भांडवलदारांना कृषी व्यवसायात चंचूप्रवेश देण्याचा मोदींचा डाव; ‘या’ मंत्र्याचा आरोप
• शेतकरी आंदोलनावरील आंतरराष्ट्रीय प्रतिक्रियांवर पंतप्रधानांच भाष्य
• भीषण : पंतप्रधान नरेंद्र मोदींनी घेतला उत्तराखंड दुर्घटनेचा आढावा