बीसीसीआयचा आणखी एक प्रकार उघडकीस; आयपीएल स्पर्धा खेळणाऱ्या ‘या’ विदेशी खेळाडूचे थकवले पैसे

🕒 1 min read

मुंबई : गेल्या काही दिवसापासुन बीसीसीआय भारताच्या महिला आणि पुरुष क्रिकेट संघात भेदभाव करत असल्याचा आरोप सातत्याने होत आहे. इंग्लंड दौऱ्याबाबत जे आरोप करण्यात आले त्यावर महिला संघाची कर्णधार मिताली राज आणि हरमनप्रीत कौर यांनी पुढे येत वाद मिटवण्याचा प्रयत्न केला. मात्र बुधवारी १९ मे रोजी महिला क्रिकेटपटुच्या वार्षिक करार जाहीर होताच पुन्हा या चर्चाना उत आला होता. यादरम्यान एक नवी माहिती समोर आली आहे. १० वर्षापुर्वी आयपीएल खेळणाऱ्या एक विदेशी खेळाडूचे पैसे बीसीसीआयने अजुनही दिले नाहीत.

ऑस्ट्रेलियाचा अष्टपैलु खेळाडू ब्रॅड हॉजला आयपीएलच्या चौथ्या हंगामातील ३५% रक्कम अजुनही मिळाली नसल्याचा आरोप ब्रॅड हॉजने केला आहे. आयपीएलच्या चौथ्या हंगामात ब्रॅड हॉज हा कोची टस्कर्स संघाकडून खेळत होता. २०२० साली झालेल्या महिला टी-२० विश्वचषकातील महिला खेळाडुंना अद्यापही बक्षिसाची रक्कम मिळाली नसल्याची बातमी समोर आली असता. बॅड हॉजने केलेल्या या खुलास्यामुळे बीसीसीआय चांगलाच वादात सापडला आहे. भारतीय महिला क्रिकेटपटु संदर्भात एका बातमीला प्रतिक्रिया देताना हॉजने हा खुलासा केला आहे.

Players are still owed 35% of their money earned from ten years ago from the @IPL representing Kochi tuskers. Any chance @BCCI could locate that money?

— Brad Hodge (@bradhodge007) May 24, 2021

‘दहा वर्षापुर्वी केरळ टस्कर्सकडुन खेळणाऱ्या काही खेळाडुंची ३५% रक्कम अजुनही येणे बाकी आहे, बीसीसीआय तो पैसा पाठवु शकेल का?’ असे ट्विट हॉजने केला आहे. आयपीएलच्या चौथ्या हंगामात पुणे वॉरियर्स इंडिया व कोची टस्कर्स केरळ हे दोन नविन संघाचा समावेश स्पर्धेत करण्यात आला होता. मात्र नंतर भ्रष्टाचाराच्या प्रकरणानंतर दोन्ही संघाला स्पर्धेतुन बाहेर करण्यात आले होते. आयपीएलमध्ये ब्रॅड हॉजने सात हंगाम खेळताना केकेआर, कोची टस्कर्स केरला आणि राजस्थान रॉयल्स संघाचे प्रतिनिधीत्व केले होते.

महत्वाच्या बातम्या

• ‘तो मानसिकदृष्ट्या अडचणीत आहे’ ; कोचने केला मोठा दावा
• आकडेवारी जाहीर ; देशात आतापर्यंत तब्बल ‘इतक्या’ लोकांचे झाले लसीकरण
• ‘मोदींच भावनिक होणे आणि डोळ्यातले अश्रू म्हणजे ठरवून केलेला कार्यक्रम’
• राजगडाच्या मातीतून ऐतिहासिक वस्तूंचा उलगडा; सह्याद्री प्रतिष्ठानला सापडल्या अनमोल गोष्टी !
• बारावीच्या परीक्षांचा निर्णय लवकरच; राज्य सरकारांना २५ मे पर्यंत सूचना देण्याची वेळ