औरंगाबाद : जायकवाडी धरणात १४०० मिलीमीटर व्यासाच्या पंपिंग स्टेशनला वीजपुरवठा करणारे ट्रान्सफार्मर बिघडल्याने शहराचा पाणीपुरवठा बंद झाला होता. दरम्यान, महापालिकेच्या पाणीपुरवठा विभागाने मोठ्या कसरतीने पर्यायी ट्रान्सफार्मर बसवून गुरूवारी सायंकाळी चार वाजेनंतर पाणी उपसा सुरू केला.
त्यानंतर फारोळा जलशुद्धीकरण केंद्रात प्रक्रिया होऊन शहरातील जलकुंभ भरून प्रत्यक्ष नळांना पाणी सोडण्यात आले. यात सुमारे ३२ तासांचा अवधी गेला. शुक्रवारी (दि.१९) पहाटे चार वाजेनंतर शहरात नियोजित वसाहतींत पाणीपुरवठा सुरू झाला.
बुधवारी रात्री साडेआठ वाजता जायकवाडी धरणातील मुख्य पंपगृहात १४०० मिमी. व्यासाच्या जलवाहिनीच्या पंपांना वीजपुरवठा करणार्या ट्रान्सफार्मरमध्ये अचानक तांत्रिक बिघाड निर्माण झाला. त्यावर पालिकेच्या विनंतीवरून चिकलठाणा एमआयडीसीतील ट्रान्सझेल्टा कंपनी अभियंत्यांनी अर्ध्या रात्री ट्रान्सफार्मरची तपासणी केली, तेव्हा त्यातून ऑइल बाहेर आलेले दिसले. त्यात मोठा बिघाड झाल्याचे निदर्शनास आले.
त्यामुळे दुसर्या दिवशी गुरूवारी पाणीपुरवठा विभागाचे उपअभियंता बी.डी. घुले यांनी कर्मचार्यांकरवी पर्यायी ट्रान्सफार्मर बसवून त्याची चाचणी करण्याचे काम पूर्ण झाल्यानंतर दुपारी चार वाजता पंपिग सुरू करून पाणी उपसा सुरू झाला. गुरूवारी सायंकाळी सहा वाजता फारोळा येथील जलशुद्धीकरण केंद्रात हे पाणी दाखल झाल्यानंतर त्यावर प्रक्रिया होऊन रात्री साडेनऊ वाजता शहरातील जलकुंभांत पाणी पडले.
यानंतर शुक्रवारी पहाटे चार वाजेपर्यंत जलकुंभ भरल्यानंतर मागील बुधवारी व गुरूवारी सिडको-हडकोसह ज्या वसाहतींना पाणीपुरवठा होऊ शकला नाही, तेथे पाणीपुरवठा सुरू करण्यात आला.
महत्वाच्या बातम्या
- ‘या’ नेत्यांना मंत्रिमंडळातून काढले जाईल ही भीती!
- परभणीमध्ये विनामास्क फिरणाऱ्या ५४ जणांना १० हजार ८०० रुपयांचा दंड
- एका माळेचे मणी : नेतेच कोरोनाचे नियम पाळत नसतील तर सर्वसामान्य लोकांनी तरी ते का पाळावेत?
- एका माळेचे मणी : नेतेच कोरोनाचे नियम पाळत नसतील तर सर्वसामान्य लोकांनी तरी ते का पाळावेत?
- वाढत्या रुग्णांमुळे पुन्हा उघडत आहेत कोविड सेंटर्सचे दार
बातम्यांसाठी YouTube चॅनेल Subscribe करा
Subscribe Now
