‘आजचा निकाल म्हणजे मविआचा फॉर्मुला राज्यातील जनतेला मान्य असण्यावर झालेले शिक्कामोर्तब’

🕒 1 min read

पुणे : विधान परिषदेच्या शिक्षक आणि पदवीधर मतदारसंघात महाविकास आघाडीने मुसंडी मारली आहे.विधान परिषदेच्या पदवीधर व शिक्षक मतदारसंघांत अनपेक्षितपणे भाजपाला मोठा फटका बसला आहे. नागपूर आणि पुणे या भाजपाने प्रतिष्ठेच्या केलेल्या पदवीधर मतदारसंघांमध्ये महाविकास आघाडीच्या उमेदवारांनी विजय मिळवला आहे.पुणे शिक्षक आणि औरंगाबाद पदवीधर मतदारसंघात देखील महाविकास आघाडीच्या उमेदवारांचा विजय झाला आहे.

या निकालानंतर विविध राजकीय प्रतिक्रिया येत आहेत. राष्ट्रवादी कॉंग्रेस पक्षाचे प्रवक्ते भूषण राऊत यांनी यासंदर्भात ‘महाराष्ट्र देशा’ला प्रतिक्रिया दिली. ते म्हणाले, आजचा निवडणूक निकाल म्हणजे जनतेला गृहीत धरता येत नाही आणि काहीही झाले तरी आपणच निवडून येऊ या अहंकाराचा पराभव आहे.निवडणूक निकाल म्हणजे महाराष्ट्र विकास आघाडी चा फॉर्मुला या राज्यातील जनतेला मान्य आहे तसेच महाराष्ट्र विकास आघाडीच्या नवीन सूत्रावर राज्यातील जनतेने केलेले शिक्कामोर्तब आहे असं त्यांनी म्हटले आहे.

तर दुसऱ्या बाजूला भाजपा युवा मोर्चा प्रदेश सचिव प्रदीप गावडे यांनी गावडे म्हणाले, भाजपचा कार्यकर्ता प्रत्येक निवडणुकीतून काही ना काही शिकत असतो या निवडणुकीतूनही योग्य तो बोध घेऊ, विधान परिषदे निवडणुकांनाचा कौल आम्ही विनम्र पणे मान्य करतो, या निवडणुकीसाठी भाजप च्या कार्यकर्त्यांनी अतोनात मेहनत घेतली तरी अपेक्षित निकाल आले नाहीत, त्यामुळे निश्चितच कुठे कमी पडलो याचे आत्मचिंतन करू व येत्या काळात आणखी जोमाने काम करू, पदविधरांचे प्रश्न अधिक आक्रमक पणे सरकार समोर मांडू व त्यासाठी संघर्ष करू असं देखील ते म्हणाले.

दरम्यान, युवक काँग्रेसचे प्रवक्ते कपिल ढोके यांनी देखील यासंदर्भात प्रतिक्रिया दिली आहे. ते म्हणाले,विधान परिषद निवडणुकांचे निकाल जाहीर झालेत. ह्या निकालांमध्ये भाजपला फक्त एका जागेवर विजय मिळाला. यातही भाजपला आनंद वाटण्याचे फारसे कारण नसावे. कारण तो उमेदवार भाजपने काँग्रेसमधून आयात केलेला उमेदवार आहे असं म्हणत भाजपला टोला लगावला आहे.

महत्वाच्या बातम्या

• पुणे पदवीधर निवडणूकीत अभिजित बिचुकलेंनी घेतली ‘एवढी’ मते
• ‘इथून पुढील निवडणुका बॅलेट वर झाल्यास भाजपाला त्यांची खरी पात्रता कळेल’
• आता भाजपची उलटी गिनती सुरू झाल्याचं स्पष्ट झालंय – शशिकांत शिंदे
• पेपरवर लिहून देतो, राज्यात ऑपरेशन लोटस होणार नाही – हसन मुश्रीफ
• Kid of the Year, भारतीय वंशाची गीतांजली राव TIMEच्या सन्मानाची पहिली मानकरी